VILLON : BALLADE DES PENDUS

« VILLON BALLADE DES PENDUS Freres humains qui après nous vivez, N'ayez les cuers contre nous endurciz, Car, se pitié de nous pouvres avez, Dieu en aura plus tost de vous merciz .

Vous nous voyez cy attachez cinq, six: Quant de la chair, que trop avons nourrie, Elle est pieça devorée et pourrie, Et nous , les os, devenons cendre et pouldre.

De nostre mal personne ne s'en rie: 10 Mais priez Dieu que tous nous vueille absouldre! Se freres vous clamons, pas n'en devez Avoir desdain, quoy que fusmes occiz Par justice .

Toutesfois, vous savez Que tous hommes n'ont pas le sens rassiz ; Excusez nous, puis que sommes transsis, Envers le filz de la Vierge Marie, Que sa grace ne soit pour nous tarie, Nous preservant de l'infernale fouldre.

Nous sommes mors, ame ne nous harle ; 20 Mais priez Dieu que tous nous vueille absouldre ! la pluye nous a debuez et lavez, Et le soleil dessechez et noirciz : Pies , corbeaulx nous ont les yeulx cavez Et arraché la barbe et les sourciz .

Jamais nul temps nous ne sommes assis ; Puis ça, puis la, comme le vent varie, A son plaisir sans cesser nous charie, Plus becquetez d'oiseaulx que dez à couldre.

Ne soyez donc de nostre confrarie ; 30 Mais priez Dieu que tous nous vueille absouldre ! Prince Jhesus, qui sur tous a maistrie, Garde qu'Enfer n'ait de nous seigneurie : A luy n'ayons que faire ne que souldre .

Hommes, icy n ·a point de mocquerie ; Mais priez Dieu que tous nous vueille absouldre !. »